Bepanthol® SensiDaily Bədən Kremi nədir?

Bepanthol® SensiDaily Bədən Kremi çox quru və ya atopiyaya meyilli dərilər üçün hazırlanmış, körpəlik dövründən etibarən istifadə oluna bilən gündəlik bədən kremidir.

Prebiyotiklər, seramidlər, təbii yağlar, B3 vitamini və provitamin B5 ilə zənginləşdirilmiş formulu sayəsində uzunmüddətli nəmləndirmə təmin edir.¹ Dəri baryerini qorumağa, dərinin elastikliyini və nəmliliyini saxlamağa kömək edir. Bundan əlavə, tərkibindəki prebiyotiklər epidermisdə yerləşən və dərinin qorunmasında iştirak edən mikrofloranı dəstəkləyir. Beləliklə, həssas dərinin qorunmasına və sağlam vəziyyətdə saxlanmasına kömək edir.

Bepanthol® SensiDaily Bədən Kremindəki provitamin B5 dərini nəmləndirərək onun təbii baryerini dəstəkləyir.

Formulun tərkibində, həmçinin dəri baryerini təşkil edən lipidlər mövcuddur. Bu lipidlər dərinin təbii qoruyucu baryerinin uzun müddət qorunmasına kömək edir.

Şi yağı, çaytikanı yağı və zeytun yağı kimi təbii yağlar dərinin qurumasının qarşısını almağa və onu qorumağa kömək edir.

Zəngin tərkibi sayəsində krem dərini dərindən və uzunmüddətli nəmləndirir.

Bepanthol® SensiDaily dəri baryerini 3 yolla dəstəkləyir

Çox quru və ya atopiyaya meyilli dərilər üçün xüsusi hazırlanmış Bepanthol® SensiDaily formulu dəri baryerini üç istiqamətdə dəstəkləyir:

• Prebiyotiklər dərinin təbii müdafiəsinin bir hissəsi olan sağlam mikrofloranı dəstəkləyir.
• Nəmləndirici komponentlər — şi yağı, çaytikanı yağı, zeytun yağı, Seramid 3, qliserin, B3 vitamini və provitamin B5 — dərinin uzunmüddətli və effektiv nəmləndirilməsinə kömək edir.
• Lamelvari lipidlər dəridə təbii olaraq mövcud olan lipidlərə bənzəyir və dəri baryerinin qorunmasını dəstəkləyir.

Bepanthol® SensiDaily Bədən Kremindən necə istifadə etməli?

Bepanthol® SensiDaily Bədən Kremi dəri baryerinin kompleks qorunmasını dəstəkləmək üçün hazırlanıb.
Dərinin mikrobioloji balansını dəstəkləmək üçün kifayət qədər miqdarda Bepanthol® SensiDaily Bədən Kremini bütün bədəninizə tətbiq edə bilərsiniz.

Bepanthol® SensiDaily kreminin dəri tərəfindən yaxşı tolere edildiyi və həssas dərilərin istifadəsi üçün uyğun olduğu klinik tədqiqatlarla qiymətləndirilib.² Məhsulun körpələrdə istifadəsinin təhlükəsizliyi tədqiqatlarda qiymətləndirilib və məhsul pediatrik nəzarət altında sınaqdan keçirilib.

Bepanthol® SensiDaily kreminin intensiv nəmləndirici təsirini ilk istifadədən etibarən hiss edə bilərsiniz.

Çox quru və ya atopiyaya meyilli dəriyə qulluq haqqında bilməli olduqlarınız

Dəri bədənimizi xarici təsirlərdən qoruyan ən vacib orqanlarımızdan biridir. Lakin bəzi hallarda dəridə yanma, göynəmə və quruluq hissi ilə müşayiət olunan həddindən artıq həssaslıq yarana bilər.

Çox quru və ya atopiyaya meyilli dərinin nəm saxlamaq qabiliyyəti azalmış olur. Bununla yanaşı, sağlam mikrofloranın balansı və dəri baryerinin bütövlüyü də pozula bilər.

Dəri baryerinin funksiyalarının pozulması aşağıdakı nəticələrə səbəb ola bilər:

• Dərinin su saxlamaq qabiliyyətinin azalması;
• Dərinin quruması;
• Allergenlərin dəriyə daha asan nüfuz edərək immun sistemini aktivləşdirməsi;
• Allergik reaksiyaların yaranması.

Dərinin həssaslaşması yanma, göynəmə və quruluq kimi şikayətlərə səbəb ola bilər. Çox quru və ya atopiyaya meyilli dərisi olan insanlarda bu əlamətlər daha güclü müşahidə oluna bilər. Buna görə də belə dəriyə sahib olan şəxslər gündəlik dəri qulluğuna xüsusi diqqət yetirməlidirlər.

Çox quru və ya atopiyaya meyilli dəriyə qulluq zamanı
Aşağıdakı xüsusiyyətlərə malik məhsullara üstünlük vermək olar:

• SLS kimi qıcıqlandırıcı komponentlər ehtiva etməyən;
• Dəridən su itkisinin qarşısını almağa kömək edən;
• Dəri quruluğunu azaltmağa kömək edən;
• Dərinin sağlam mikroflorasını dəstəkləyən;
• Uzunmüddətli və dərin nəmləndirmə təmin edən formulalar.

Prebiyotiklərin dəriyə qulluqda rolu

Bütün bədənimizi örtən dəri bizi xarici təsirlərdən qoruyan canlı baryer sistemidir. Çox quru və ya atopiyaya meyilli dərilərdə yaranan problemlərin əsas səbəblərindən biri müxtəlif amillərin təsiri nəticəsində dəri baryerinin bütövlüyünün pozulmasıdır.

Sağlam dəridə qoruyucu funksiyaları ilə tanınan faydalı mikroorqanizmlər mövcuddur.

Dərinin səthində yaşayan sağlam mikroflora prebiyotiklər vasitəsilə dəstəklənə bilər. Prebiyotiklər faydalı mikroorqanizmlərin inkişafını dəstəkləyən maddələrdir.

Prebiyotiklər dərinin sağlam mikrobiotasını dəstəkləyərək dəri baryerinin bütövlüyünün qorunmasına və allergiyaya meyilliliyin azalmasına kömək edə bilər.

Mikrobioloji balansı pozulmuş dərinin baryer funksiyasını dəstəkləmək üçün prebiyotik tərkibli, uzunmüddətli və effektiv nəmləndirmə təmin edən kremlərə üstünlük verilə bilər.